ሚያዝያ 03/2016 ዓ/ም (ው.ኢ.ሚ.) የአባይ ተፋሰስ ቤዚን ፕላን አተገባበር የመግባቢያ ስምምነት የፊርማ ስነስርዓት ከክልል የፕላንና ልማት ቢሮዎች ጋር ተደረገ።https://mowe.gov.et/en/news

የአማራ፣ የኦሮሚያ እና ቤንሻንጉል ጉሙዝ የውሀና ኢነርጂ ቢሮዎች፣ የመስኖና ቆላማ አካባቢዎች ቢሮዎች፣ የአካባቢ ጥበቃ ቢሮዎች ኃላፊዎችና ተወካዮች በተገኙበት የአባይ ተፋሰስ ቤዚን ፕላን አተገባበር የመግባቢያ ስምምነት የፊርማ ስነስርዓት ከክልል የፕላንና ልማት ቢሮዎች ጋር ተደርጓል።

በውሃና ኢነርጂ ሚኒስቴር የውሃ ሀብት አስተዳደር ዘርፍ ሚኒስትር ዴኤታ ክቡር ዶ/ር አብርሃ አዱኛ እና ክልሎችን በመወከል የፕላንና የልማት ቢሮ ሃላፊዎችና ተወካዮች መካከል የተፈረመው ስምምነት የተዘጋጀው የአባይ ቤዚን ፕላን ወደ መሬት ወርዶ እንደየ ሴክተሮቹ ተጨባጭ ሁኔታ ተግባራዊ ለማድረግ ወሳኝ መሆኑ ተገልጿል፡፡

የቤዝን ፕላኑ አተገባበር አደረጃትና የአመራር ሂደትን በተመለከተ ሰፋ ያለ ውይይት ተደርጓል፡፡ በውይይቱም በተለያዩ ተሳታፊዎች ሀሳብና አስተያየት የተሰጡ ሲሆን፤ በመጨረሻም ክቡር ዶ/ር አብርሃ አዱኛ የተፋሰስ ከፍተኛ ም/ር ቤት አደረጃጀትን አንስተው ማብራሪያ ሰጥተዋል፡፡ በማብራሪያቸውም በተፋሰስ ከፍተኛ ምክር ቤት በአዋጅ የተቋቋመ እና በምክትል ጠቅላይ ሚኒስትር የሚመራና የውሃና ኢነርጂ ሚኒስቴር የምክር ቤቱ ሴክሬታሪያት ሆኖ ሲያገለግል መቆየቱን ገልፀው፤ በክልሎች ደረጃ የክልል ርዐሰ መስተዳድሮች ኃላፊነት እንደሆነና የክልሉ ፕላንና ልማት ቢሮ ውክልና ቢሰጠው የተሻለ ይሆናል የሚል ፕሮፖዛል አቅርበው በተሳታፊዎች ተቀባይነት አግኝቷል።

በመድረኩ የአባይ ቤዝን ፕላን ጠቅለል ያለ ገለጻ የቀረበ ሲሆን፤ ከቤዝን ፕላኑ የተቀዱ የውሃ ምደባ እቅድ፣ የውሃ ጥራት ስራዎች እቅድ፤ የተፋሰስ ልማት እቅድ፣ የተፋሰስ መረጃ አስተዳደር እቅድ፣ የዌትላንድ ማኔጅመንት እቅድ የመሳሰሉት ሰነዶች ቀርበዋል፡፡

By admin

Leave a Reply

Your email address will not be published. Required fields are marked *

You missed

ከመጋቢት 29-30/ 2015 ዓ.ም በውሃና ኢነርጅ ሚኒስቴር የአባይ ቤዚን አስተዳደር ጽ/ቤት በተቀናጀ የውሃ ሀብት አስተዳደር ዙሪያ በጅማ ከተማ በቴማቲክ ፕላኖች ላይ በአባይ ቤዚን ውስጥ የሚገኙ የኦሮሚያ እና በቤንሻንጉል ጉሙዝ ከባለድርሻ አካላት ጋር ውይይት የተደረገ ሲሆን የውይይቱን መርሀ ግብር በንግግር የከፈቱት በውሃና ኢነርጅ ሚኒስቴር የአባይ ቤዚን አስተዳደር ጽ/ቤት ኃላፊ አቶ የወንደወሰን መንግሥቱ ናቸው፡፡ እሳቸው እንደገለጹት የአባይ ቤዚን ፕላን ሲዘጋጅ ለሀገራችን አዲስ ሀሳብ ከመሆኑ ጋር ተያይዞ በርካታ ተግዳሮቶች እንደነበሩ ጠቅሰው ችግሮቹን ለመፍታት አለም አቀፍ ተሞክሮዎችን በመቀመር የቤዚን ፕላን ፍኖተ ካርታ ማዘጋጀት መቻሉን ገልፀዋል። ቤዚን ፕላኑን ለማዘጋጀት፤ በተፋሰሱ ውስጥ ያሉ አቅሞች እና ተግዳሮቶች ዙሪያ የሁኔታ ዳሰሳ ሥራዎችን መሰራታቸውን ገልጸው፤ የአከባቢ ሁኔታ፣ የውሃ ሀብት አቅም፣ የተቋማዊና ህጋዊ ሁኔታና የአደጋ ስጋት ትንተናዎች መከናወናቸውን አስረድተዋል። የቤዚን ብላኑን ለመተግበር የተዘጋጁ ቴማቲክ ዕቅዶች ማለትም ዌትላንድ ማኔጅመንት፣ የመሬት መንሸራተት፣የውሃ ጥራት፣የቤዚን ኢንፎርሜሽን ማኔጅመንት፣የበለስና ዴዴሳ የውሃ ምደባ ዕቅዶች ቀርበው ውይይት ተደረጎባቸዋል፡፡